انتا جيت عالجرح ياعم سلطان
.... انا لغاية دلوقتى فعلا مقتنع بمقولة عادل امام فى فيلم عمارة يعقوبيان:احنا فى زمن المسخ...
فعلا ياجماعة انا بحب اوى اتفرج على الافلام الابيض والاسود بتاعت زمااان اوى ايام الملكية.
. فعلا الشوارع كانت نضيفة والناس فعلا كانوا مؤدبين... والشوارع كانت فعلا بتتغسل كل يوم...كان زمان فيه حاجة اسمها عربيات الرش كانت بتغسل الشوارع.. والعمارات كان شكلها حلو اوى.. مش زى دلوقتى عبارة عن مكعبات شبه علب الكبريت ولا ليها اى معنى.. ده غير اقتصاد البلد اللى مش عارف بقى عامل كده ليه..فيه بلد فى الدنيا تعمل ورقة ب200 جنيه؟؟
طب انا راضى ذمتك بلد فيها بحرين من اهم بحار العالم (الاحمر والمتوسط).. ونهر يعتبر اطول واهم انهار العالم (النيل).. وقناة السويس اللى بالظبط عاملة زى كوبرى محرم بيه بتوصل الشرق بالغرب.... وتربة زراعية من افضل ترب العالم (احنا فى مصر بنزرع التربة 3 مرات فى السنة.. فى امريكا بيزرعوا تربيتهم مرة كل 3 سنين).. وجو من احسن اجواء العالم ينفع لزراعة اغلب المحاصيل المهمة...وكمان عندنا اكتر من 1/3 اثار العالم بمختلف انواعها سواء اثار تاريخية او دينية.. يعنى كل انوع السياحة عندنا.. وعندنا عقول العالم كله بيشهد اننا فعلا من احسن شعوب العالم والمصرى بيشتغل وناجح فى كل دول العالم بدون استثناء
... كووووووووووووووووووووووووووووول ده.. والشعب فقير مش لاقى ياكُل ولا لاقى ميا نضيفة يشربها.....كل اللى فات ده كان ممكن فعلا يخلى مصر دولة عظمى وامبراطورية لا تغيب عنها الشمس.
. وكان ممكن نبقى اجدع من بريطانيا وامريكا... كفاية كده عشان شكلى هروح فى داهية