رابطة محبى ومشجعى نادى الاتحاد السكندرى.زعيم الثغر سيد البلد

بصوا يارجالة... طبعا انا عارف ان الموضة اللى ماشية اليومين دول هى تشجيع الاهلى... او االزمالك طبعا.. بس دلوقتى اى حد مالوش فى الكورة بقى بيريَح دماغه وبيشجع الاهلى.... لكن صدقونى... ماهما الاهلى كسب او اخد بطولات... لو احنا اسكندرانية بجد.. يبقى لازم نشجع الاتحاد... ياجماعة احنا مابنشجعش الاتحاد عشان نتايج ولا عشان بطولات.. احنا بنشجع الاتحاد لأنه رمز لمدينة اقل مايقال عنها انها عظيمة...سيبك من التقليد وماتمشيش ورا الهوجة بتاعت الاهلى او الزمالك.... ارجع لعقلك وخلى عندك انتماء لبلدك اسكندرية وتعالى معايا نشجع الاتحاد ونقول: الاتحاد سيد البلد

احنا اسياد البلد.. قولوا انتو مين...... احنا اسياد البلد.. ردوا يا ................(يامعلمين)

ها ها ها ها ها
مين دا اللى سيد البلد
الاتحاد كان زمااااااااااااااااااااااااااااااااااااااااااااااااااااااااااان
انا اهلاوى بس بحب الاتحاد وفى ماتشات الاهلى والاتحاد باتمنى ان الاتحاد مايشيلش من الاهلى كتييير


بس نرجع ونقول طالما ان الاتحاد من اسكندرية العظيمة فيبقى سيد البلد بعد الاهلى سيد افريقيا

انت تانى يا مهند


الاتحاد سيد اسكندرية وبس

اسياد البلد اربعة بس:
الاهلى
الزمالك
الاسماعيلى
المصرى(انا متحيزله عشان من بلدى)

طبعا انا بشكر الناس اللى ردت على الموضوع... وطبعا انا مُقدر جدا ان الاهلى نادى بطولات وعالمى وكل الكلام الجميل ده.... بس انا لما كتبت موضوع نادى الاتحاد.. كنت حريص جدا انى اركز على نقطة ان انا مابشجعش الاتحاد السكندرى عشان بطولات ولا عشان نتايج.. انا قولت انه بيمثل مدينة اقل مايقال عنها انها عظيمة...وطبعا انا بحترم انتماءتكم سواء كنتم اهلاوية او زملكاوية او حتى بتشجعوا المصرى البورسعيدى ... بس بالعقل كده والمنطق... لو جينا نفكر ونركز شوية هنلاقى ان الحكاية كلها.. فلوس.. يعنى معاك فلوس.. هتقدر تشترى لاعيبة تاخود بيهم اى بطولة تدخلها.. واكبر دليل على كلامى .. اندية شركات البترول اللى بتطلع عين الاهلى لما بتشترى لاعيبة(وانبى مش بعيد)... من الاخر... ماتتخدعوش فى الاهلى وبلاش غرور...الاهلى جت عليه فترة كان مجرد منتخب من اندية الاسماعيلى والسويس وباقى اندية مصر...وفى الاخر هرجع واقول.. انتمائى للأتحاد نابع من حُبى وانتمائى لأجمل مدينة فى مصر .... اسكندرية.

انا معاك يا هدهد بس انت قلت ان الموضه هى الاهلى والزمالك واللى مالهوش فى الكوره بيشجع الاهلى ..انت غلطان فى الحته دى يا صاحبى معلش لان انا مثلا طلعت للدنيا اهلاوى ومعرفش غير الاهلى والاتحاد ولما يلعبوا مع بعض بشجع اللعبه الحلوه واسقف للى يكسب وهارد لاك للى يخسر ..انا بمشيها كده انا بحب الاهلى لانى اتولدت اهلاوى وبحب الاتحاد لانى اسكندرانى

والله انا بحب الاتحاد جداااااااا بس انا مش عارف الى بيشجع الاتحاد حيشجعو
على ايه دى كل سنة ربنا بيكرمو على اخر الدورى ومش بيهبط بصراحة الى
عايز يشحعو ممكن يشجع فريق البسكت بس بصراحه دى فرقه عواجيز والقائمة طويله من جدو حسام الى عمو شرف والقائمة تطول بفريقة
دار المسنين

والله انا بحب الاتحاد جداااااااا بس انا مش عارف الى بيشجع الاتحاد حيشجعو
على ايه دى كل سنة ربنا بيكرمو على اخر الدورى ومش بيهبط بصراحة الى
عايز يشحعو ممكن يشجع فريق البسكت بس بصراحه دى فرقه عواجيز والقائمة طويله من جدو حسام الى عمو شرف والقائمة تطول بفريقة
دار المسنين

احي الاتحاد برده لان زي ما مهند قال ان الاتحاد بيعبر عن مدينة مش عن فرق بعينه

تسلم يا مهند