ية الطلبة مش بتحب تدخل كلية الزراعة ؟؟؟؟

[right][center]سعاده الباشا اخوياadmin

بص هو الموضوع ده فعلا ملحوظ بالنسبه للكثير من الناس لكن فى اعتقادى ومع الاختلافات الكبيره بين تفكير الناس ان السبب مش ولا واحد من الاسباب اللى انت ذكرتها وانما هى خليط بين تلك الاسباب كلهاوضيف عليها عدم التجربه والجهل بالشىء.
لكن انشاء الله ربنا هيسرها وتتحسن صوره الكليه عند الناس من كبيرها لصغيرها ويسود احترامها ومتنساش ان مصر اساسا بلدنا بلد زراعيه المقام الاول .
ودمتم

تسلملي ياغالي لهدة المداخلة الاكتر من غالية

و الله شو بدنا اننا نعمر كتير كليتنا

و الله ما بيدي حيلة و تسلملي ياغالي مرة تانية

أبو حنفي كتب:

يا خبر
انا كنت باتكلم مع دكتور من الدكاترة عندنا في القسم قاللي علي حاجة فظيعة

قاللي إن كلية الزراعة أيام الثورة كانت من كليات القمة

ياتري ممكن ترجع تاني لحالتها دي ؟

إحنا مش طالبين إنها تكون كلية قمة و كل الطلبة تتصارع في دخولها لأن فيه حاجة : كلية الطب من كليات القمة بس أستاذ في الثانوي أحبطني مرة و قاللي "إنتوا داخلين علمي علوم ليه ؟؟؟؟؟ عايزين تبقوا دكاترة ؟؟؟؟ ماهي الدكاترة دلوقتي كتروا و بقوا زي الحلاقين" علي الرغم من إنه كان علمي علوم

أنا كل إللي عايزه إن كل واحد يدخل كلية تكون في المجال إللي بيحبه و يتخصص في القسم إللي يمشي علي هواه علشان كل واحد فينا يقدر يدي بدل ماهم بيعيدوا و معمرين فيها

تسلملي يا ابو حنفي

و شكرا لمدخلاتك الاكتر من رائعة و فعلا

مصر بلد زراعية في المقام الاول و لازم نهتم بالزراعة لان ده موضوع مهم جدا

و مش عشان احنا متحيزين لا و الله لكن خير مصر ممكن ينمو بدرجة اكبر لو اهتمينا بالزراعة اكتر

بسم الله الرحمن الرحميم
انا اسمى مجدى بدرس بكليه الزراعه _جامعه جنوب الوادى بقنا وهى الكليه الوحيده اللى على مستوى الجمهوريه تدرس كليه الزراعه بطريقة الشعبه العامه حيث تتخرج ومعاك بكالريوس فى"شعبه العلوم الزراعيه والانتاج الزراعى العام"
بصراحه الكليه حلوة وفضلتها عن كليات اخرى كالتربيه والحقوق والتجاره وغيره ..
لكن المشكله انى درست حتى الان وانا بالصف الثالث
32 ماده فى مختلف الاقسام ده من غير الترم الثانى بتاع ثالثة+ماده حقوق الانسان المقرره على جميع الكليات بالجامعه .
وزى مانت شايف الكم كبير جدا ومضغوط ومتفتكرش ان
الكورس صغير بتاع الترم الخاص بالماده لانه بيحاول
يلم اكبر كم ممكن من التخصص.
ودى احد الاسباب اللى بتخلى الطلبه ينصحوا بعض بعدم اللعب بالنار والدخول بين كماشه المواد اللاتينيه والكيمياويه والمعقده..
ومش هتصدق لو قلتلك انى درست عده مواد لكل الاقسام الموجوده بالكلية
magdy hakeem

. و احنا زيك يا اخ مجدي كنا كعب داير علي جميع الاقسام ف سنة اولي و تانية

و منا الي اتخصص و منا الي كمل في الشعبة العامة

انتا عارف اية الي يغيظ اكتر ..؟؟

ان العامة مفكرن ان كلية الزراعة دي كلية اي كلام و الطلبة ال يفيها فلاحين و مش فاهمين حاجة ..!!

تسلم للمشاركة الجميلة يا جميل ..::..

بصراحة كليتنا كدراسة رائعة وممتعة(للغاوي زراعة) بس بصراحة كل اللي بتقولوا عليه هيتحل لو كليتنا او المسئولين فيها بدأوا يطوروا نظام الكلية نفسه مش مجرد تغيير الاسم او الحاجات دي يعنى مثلا:

لو شفتم الجامعات في اغلب دول العالم المتقدم هتلاقوا نظام الدراسة اسهل من عندنا بكتيرالهدف منه ان الطلب يخرج بمعلومة مهمة فاهمها مش حافظها ومش الهدف الرئيسي عندهم الحفظ والدش وبعدين تسكب المعلومات في ورقة الاجابة -وطبعا اغلبنا بعد الامتحان بتبقى مش فاكر هو ذاكر ايه السنة اللي فاتت او امبارح حتى.

وكمان عندهم الجانب البحثي مهم جدا يعنى ان الطالب يشتغل بايده ويعمل ابحاث وهما مجرد يعطوه المعلومات الاساسية اللي هيحتاجها والادوات والمعمل ويسيبوه يجرب ويعمل ابحاث ويغلط ويتعلم ، وانا عارفة ان في ناس منكم هيقولوا لي ان احنا في الكلية بنشتغل عملي كتير بس في رايي ان اللي احنا بنعمله مجرد تادية واجب علشان ما نتخدش غياب ولو حد كسر حاجة والا لعب في جهاز كده والا كده هيتعاقب ومحدش يقدر يعمل بحث او تجارب بحثية حرة الا لو بدا يحضر دراسات عليا وكمان ساعتها هو اللي بيجيب اغلب ادواته ومفيش دعم وممكن الكلية توفر له معمل نونو محندق يعمل فيه شغله.

وكمان بيبقى في تعاقد بين الكلية والشركات او الاماكن اللي ممكن الطالب لما يتخرج يشتغل فيها ، بحيث ان الطالب بيروح في الاجازة يتدرب فيها علشان يعرف الشغل شكله ايه وكمان بياخد مرتب او فلوس رمزية ، وانا عارفة انكم هتقولوا لي ان احنا بنروح مزرعة ابيس والتدريب الصيفي بيودونا شركات ومزارع بس احنا بنروح زيارة او بنتدرب وبنشوف من بعيد لبعيد مش بنشتغل مثلا بايدنا او اننا نتدرب فترة كبيرة عندهم. وده طبعا بيخلي اغلب الطلبة لما يشتغل بيكون مش فاهم حاجة.

وكمان الطالب في الدول المتقدمة مش زي اغلبنا قاعد في البيت ومستني الوظيفة ، لكنه بيروح الشركات والمزارع ويسال ويدور وحتى لو مالقاش وظيفة بيروح يعرض على الشركة او المزرعة انه يتدرب فيها مقابل انهم يعطوه شهادة خبرة انه اتدرب لفترة معينة معاهم، وطبعا شهادات الخبرة دي مفتاح الوظيفة في عصرنا الحالي.

أتمنى اننا نفكر صح واكيد ربنا هيرزقنا بشغل كويس .

Admin كتب:

انتا عارف اية الي يغيظ اكتر ..؟؟

ان العامة مفكرن ان كلية الزراعة دي كلية اي كلام و الطلبة ال يفيها فلاحين و مش فاهمين حاجة ..!!

تسلم للمشاركة الجميلة يا جميل ..::..

فعلا هوا ده الحال وده بسبب الجهل عن الشئ
لكننا في مجتمع لا يقبل المجازفه بل نتبع الاجداد
وده سبب عدم دخول الكليه من رايي