موضوع للنقاش لكل الرواد (1) معني السعادة يالا شاركوناااااااا

بسم الله الرحمن الرحيم

السلام عليكم و رحمه الله و بركاته

اليوم حسالكم سؤال ؟؟

رغم انه حير الكتير و الكتير من الناس و البشر في جميع العصور و الشعوب

اية معني السعادة ..؟

تقدر تجاوب ..؟؟

طيب بما اننا في زراعة كافيه انا بطرح ليكم الموضوع ده عشان تجاوبوني

و انا يمكن عندي الاجابة و ممكن اقنعكم بيها

بس عايز كا واحد يدخل يقرا الموضوع ده يقولنا ...

اية معني السعادة بالنسبة له

مستني ردودكم

ADMIN>><<

بص يابو السلاطين : انا بالنسبالى السعاده ان الواحد يبقى دايما راضى عن كل حاجه فى حياته (وده مستحيل طبعا ) او على الاقل يسيب كل حياته على اللى خلقه ويبقى مسلم امره لربنا او على الاقل يبقى عارف ان مهما حصله او هايحصله ان كل ده فى ايد ربنا ..والسعاده فى المستقبل القريب باذن الله :- 1) الواحد يبقى مع ربنا على طول
2) صحه كويسه
3)زوجه حلوه ومؤدبه وبنت ناس
4)عيال حلوين تملا البيت ونربيهم كويس
5)الشغل اللى يجيب الفلوس اللى تعمل كل ده
..طبعا فى تعريفات كتيره عن السعاده بس اان بختصرها فى كلمة الرضا ..لما الواحد يبقى راضى عن نفسه وعن حياته اظن انه هايبقى سعييد ..ولا ايه ؟

اول مشاركة لارميا باشا اليوم و لا بجد يمكن جاب المفيد و يمكن قال قلي كنت حقوله

عارف يا ارميا في شباب كتير مش عارفه ترضي عن حياتها او عن واقعها

لكن ياتري في خلط بالنسبة للشباب بين الرضا و الاستسلام ؟؟

عايز اجابات ؟؟

طبعا يا ابو السلاطين بيبقى فيه خلط .فيه ناس بتفهم الرضا انه استسلام وانه ممكن يؤدى الى اليأس .لكن انا اعتقد ان ده مفهوم غلط لان كون ان الواحد راضى عن حياته باقل امكانياتها مش معنى انه مستسلم لا ده بالعكس ممكن يسعى انه يحسن حياته وكل مايحقق حاجه جديده لازم يبقى راضى عنها ويبقى عنده طموح يحقق حاجه احسن ويرضى عنها برضه لانه لو مش راضى عنها اساسا من الاول مش هايعرف يحققها او لو حققها مالهاش لازمه بقى لانه مش راضى عنها يبقى ما يتعبش نفسه عالفاضى

سؤالك صعب ... لان كل انسان مفتقد في حياته لمعنى معين من السعاده سوى مشاعر او انسانيات او مادة او شغل حيحس بمجرد الوصول للمعنى اللي مفتقده ده انه بيشكله نوع من انواع السعاده او كل السعاده اللي في الدنيا من كتر احتياجه للمعنى نفسه .... بس ممكن نضمن الرضا من السعاده و كمان راحة البال اللي بالنسبالي بتمثل كل السعاده ... يارب نلاقي معنى اشمل نحسه و نعيشه و منفقدش و لا نوع من انواعها ابداااا ...

مشاركة جميلة .. فيها نوع من التعقل ..

يعني نقدر نقول ان احنا اتفقنا علي ان الرضا = السعادة ..

و منقشتي مع ارميا .. ان الرضا مش معناه الاستسلام ..

Daly اضاقت راحه البال ..

جميل جدا .. .. .. بدأنا نوصل لراي واحد ..

طيب ننتظر باقي الاعضاء ..

و انا مش لاقي حد من الاعضاء .. !!

daly منورة المنتدى :::::::

السعادة ليها معانى كتير جدا فى حياتنا ان الانسان يكون ليه هدف يسعى لتحقيقه وحققه فعلا

_إن الله عز وجل يكون راضى عنا.

_وأنا متفقة مع دالى على راحة البال .

_وإنك تكون صريح مع نفسك.

بدأت الصورة تكتمل ..

فعلا السعاده اساسها الرضا ..

و تكلمها راحة البال .. يبقي ازاي في رضا و مفيش راحة بال ؟؟

تمام جدا ..

ساعات لما يكون اانسان صريح مع نفسه ممكن يأذي نفسه ..

النفس امارة بالسوء و ما يعجبهاش العجب زي ما بنقول ...

لكن الوحد الي يقدر يحارب نفسه .. بدل ما يتصارح معاها .. لانها حتقوده حتقوده ..

تسلمي يا دينا ..

و كدة الحوار بدأ يلمع ..

طيب ما حد يجاوبني ..

دايما كنت بلاقي في الافلام العربي زمان ..

يقولك ان السعادة في سعادة الاخريين ..؟؟ الله يرحمه نجيب الريحاني ..

ايه رأيكم ؟؟

محمد فعلا عندك حق فى ان السعادة احيانا فى انك تسعد الاخريين

بس مش كل الناس بتسعى وراء كدة لان كل انسان او بلاش اخليها عمومية

فى بعض الناس بتسعى فقط وراء اسعاد نفسها علشان الانسان بطبعه

فيه انانية ولكن مش لازم ننكر ان فى اشخاص روحها طيبة نقية تسعى ان

تعم السعادة على نفسها والاخريين وفعلا دى اكبر سعادة فى انك تكون كدة

وربنة يجعلنا منهم واعتقد ان اسعاد الاخريين بيكون ليها اشكال متعددة ان

كانت مادية او معنوية وحتى لو كانت بالقليل بس المهم النية والخطوة الأولى

الله الموفق .

dina abd el ghani كتب:: محمد فعلا عندك حق فى ان السعادة احيانا فى انك تسعد الاخريين

بس مش كل الناس بتسعى وراء كدة لان كل انسان او بلاش اخليها عمومية

فى بعض الناس بتسعى فقط وراء اسعاد نفسها علشان الانسان بطبعه

فيه انانية ولكن مش لازم ننكر ان فى اشخاص روحها طيبة نقية تسعى ان

تعم السعادة على نفسها والاخريين وفعلا دى اكبر سعادة فى انك تكون كدة

وربنة يجعلنا منهم واعتقد ان اسعاد الاخريين بيكون ليها اشكال متعددة ان

كانت مادية او معنوية وحتى لو كانت بالقليل بس المهم النية والخطوة الأولى

الله الموفق .

تمام اوي و في تجاوب في الموضوع ده ..

احنا بقي عندنا منتدي بجد و لا اية ؟؟ ههههههههههه

عندك حق الانسان اناني جدا .. و الي يفكر انه يسعد غره في الزمن ده بيتقال عليه ..... غبي .... و حمار ...

سوري للالفاظ بس ده فعلا واقع ..

انا افتكرت د/ عبد الرحيم الحيدري و هو بيقول ان الام لما بتدلع طفلها هي كمان بتكون سعيدة ...!!

و اتكرر الموضوع ده برده في مقرر الارشاد ..

يعني .. لو الانسان اسعد غيره يا تري بجد .. حيكون سعيد .. حتي لو كان واجب عليه ..؟

و راجعكم تاني ..

السعادة هو انك عندما تذهب لقبض مرتبك لا تجد نفسك مخصوم يومين

hornswoggle كتب:: السعادة هو انك عندما تذهب لقبض مرتبك لا تجد نفسك مخصوم يومين

ههههههههههههه ....

!!!!

» حديث موضوع
» إنتر ميلان-ليفربول وشوف اول موضوع ليا واحكم بنفسك فيه زيه؟؟
» اكبر موضوع عن النعام ممكن تلاقيه في حياتك (تربية-مشروع)